Google ADS

Limaj për Kurtin: Do të mbahet mend si politikan që mashtron dhe gënjen

20:44 | 27 Shkurt 2020
Arbresh.info

Kryetari i Nismës Socialdemokrate, Fatmir Limaj, ka reaguar pas njoftimit të kryeministrit Albin Kurti për heqjen e pjesseshme dhe të kushtëzuar të tarifës ndaj produkteve serbe.

Limaj ka deklaruar se Kurti do të mbahet mend si një politikan që brenda ditës mashtron, gënjen, ndryshon qëndrimet dhe premtimet me të cilat ua ka marrë votën qytetarëve.

“Albin Kurti vazhdon me konferencën e radhës skandaloze, që nga dukja, serioziteti i temës e deri te qëndrimi i kryeministrit”, ka shkruar Limaj në Facebook.

“Ai do të mbahet mend si një politikan që brenda ditës mashtron, gënjen, ndryshon qëndrimet dhe premtimet me të cilat ua ka marrë votën qytetarëve”, është shprehur Limaj.

“Në konferencën e sotme gënjeshtrën e sikletin ai u mundua ta mbulojë me disa parulla as mish as peshk”, ka thënë ai.

“Kaq për sonte. Për më shumë rreth kësaj teme, në ditët në vijim”, ka përfunduar Limaj shkrimin e tij.

Shpërndaje në rrjete sociale

Lajmet më të lexuara

Të ngjashme

Foto lajm